Yadon se hame gurez naheen lekin
Yadein banana achi aadat naheen
Rooh ko dubona hota hai yaad e khuda me
Bedili se uth baith lena ibadat naheen
Ghalat mat samajhiye jhuki palkon ki zubaan
Bepardagi se uthne ki inhe ijazat naheen
Is naadaan ki aisi himaqat naheen
Jo kisi ki hidayatein sunkar mita dia jaae
Voh kamzor ehsas chaahat naheen
Andar hi andar gholti hain rang e mayusi
Kuch khamoshion ki hoti koi aahat naheen
Kyun udas ho har pal badalte mausam se
Zandaan e dunia me hamesha ki raahat naheen
Jo har kisi ko dekh kar ek si hi rahe
Vo asal me sacchi muskurahat naheen
Aawaz abhi anam ki tumne suni
Ye sirf hawa ki sarsarahat naheen
